Likas na Ganda at Lamig ng Kalikasan sa Barobo

 Bugak Cold Spring

     Likas na Ganda at Lamig ng Kalikasan

                             sa Barobo             

Isa sa mga natatanging lugar na aking nabisita sa Surigao del Sur ay ang Bugac Cold Spring sa bayan ng Barobo. Sa unang tingin, parang simpleng bukal lamang ito — ngunit nang maranasan ko mismo ang malamig nitong tubig at tahimik na kapaligiran, napagtanto kong isa ito sa mga nakaka-relax na lugar sa Mindanao.

Pagdating ko roon, sinalubong ako ng malamig na simoy ng hangin at malinaw na tubig na dumadaloy mula sa ilalim ng lupa. Ang tubig ay napakalamig, parang yelo, kaya perfect ito para sa mga gustong magpahinga o magpalamig mula sa init ng araw. Napapalibutan ito ng luntiang mga puno at halaman, na nagbibigay ng natural na lilim at preskong pakiramdam.

Ang Bugac Cold Spring ay hindi lang basta paliguan isa rin itong simbolo ng ganda at yaman ng kalikasan ng Barobo. Dapat natin itong ipromote at pangalagaan, dahil ito ay isang likas na yaman na nagbibigay kabuhayan sa mga lokal at kasiyahan sa mga turista.

Kung naghahanap ka ng lugar na tahimik, presko, at abot-kaya, bisitahin mo ang Bugac Cold Spring. Dito mo mararanasan ang tunay na ginhawa ng kalikasan at ang kabaitan ng mga taga-Barobo na handang magpatikim ng kanilang simpleng pamumuhay at masarap na pagkain.

Ang Bugak Cold Spring ay isang paalala na hindi mo kailangang lumayo para maranasan ang paraíso minsan, nandito lang sa puso ng Surigao del Sur.

-Judy Ann Ansong